जीवे ठार मारण्याचा प्रयत्न केल्या प्रकरणी एडवोकेट शकील नाईकवाडी यांना अटकपूर्व जामीन मंजूर
सोलापूर
नागराज मल्लिनाथ स्वामी वय 21 राहणार विडी घरकुल हैदराबाद रोड यास चाकूने वार करून जीवे ठार मारण्याचा प्रयत्न केल्याप्रकरणी एडवोकेट शकील इब्राहिम नाईकवाडी वय 29 राहणार मार्केट यार्ड चौक सोलापूर यास जिल्हा व सत्र न्यायाधीश श्री योगेश राणे साहेब यांनी अटकपूर्व जामीन मंजूर केला.
या हकीकत अशी की दिनांक 27- 6- 2024 रोजी रात्री साडेनऊच्या सुमारास नागराज स्वामी हा त्याच्या घराकडे जात असताना चायनीज दुकानासमोर गर्दी जमलेली होती तेथे त्याचा मित्र विशाल चंदनशिवे व चायनीज दुकानदार यांच्यामध्ये भांडणे चालू होती त्यावेळी नागराज स्वामी हा विचारण्यास मधी गेला असता त्यास इमरान नाईकवाडी व शकील नाईकवाडी यांनी कोबी कापायच्या चाकूने पाठीवर हातावर मारून जीवे ठार मारण्याचा प्रयत्न केला. अशा आशयाची फिर्याद नागराज मल्लिनाथ स्वामी यांनी जेलरोड पोलीस ठाणे येथे दिली होती.
आपणास अटक होऊ नये म्हणून एडवोकेट सलीम नाईकवाडी यांनी अटकपूर्व जामीन मिळण्यासाठी एडवोकेट मिलिंद थोबडे यांच्यामार्फत जिल्हा न्यायालयात अर्ज ठेवला होता.
अर्जाच्या सुनावणीच्या वेळेस ऍडव्होकेट मिलिंद थोबडे यांनी आपले युक्तीवादात फिर्यादीचे अवलोकन केले असता सकृत दर्शनी जीवे ठार मारण्याचा प्रयत्न केल्याचा गुन्हा निष्पन्न होत नसल्याचा व्यक्तिवाद मांडला. त्यावरून न्यायाधीशांनी 50 हजार रुपयांच्या जात मचुलक्यावर अटकपूर्व जामीन मंजूर केला.
*यात अर्जदारा तर्फे एडवोकेट मिलिंद थोबडे, एडवोकेट एच एच बडेखान एडवोकेट असीम बांगी एडवोकेट जाहीद दर्जी एडवोकेट इक्बाल शेख यांनी तर सरकारतर्फे एडवोकेट दत्तूसिंह पवार यांनी काम पाहिले.*
